| 台灣之旅 2008 - 25/5 ~ 28/5 講左要打遊記咁耐, 一直都唔記得左打 XD ! 雖然已經事隔半年, 但係我應該仲記得既...... 就趁呢個 reading week 打番晒佢先! ********** 台灣遊記 之 序 事緣某年某日一位同學突然話想去畢業旅行, 於是就響短短半個月內籌備左呢個carol, ben, 蛋包皮, 小明同埋我既台灣五人行喇!!! 其實諗番都幾驚險, 因為我同 carol 都係臨出發前三星期先搞特區護照! 而且撞正去旅行既旺季, 想星期六去入境處申請護照都book 唔到時間呀陰公! 幾驚訂晒機票先搞唔切護照呀! 星期日坐朝早 8:15 機, 之前果日仲要考試考到夜晚六點幾!!! 考完試就極速番屋企執行李! 對於第一次遠行既我黎講, 真係仲刺激過生死時速!!! XD ********** 台灣遊記 之 Day 1~ 25/5(日) 凌晨五點幾起身出門口, 搭第一班 A 車去機場。去到都係行行企企, check in 呀咁, 登機前仲有半個鐘唔知做乜, 於是大家就打算去食早餐。 但係最後都係無食到! 果下先醒起, 係喎! 唔記得買旅遊保險! 之後搵到間兌換店係有保險賣, 咁本來都打算買架喇, 但係情況勁混亂, 又唔識用果部高科技自助買保險機…… 後來見到要逐個人入名, 又難入, 又得番三個字咁大把, 所以一怒之下就無買到喇!!! 我地就係搭港龍既 KA486 去 台北。我同carol 既第一次搭飛機就係咁就俾左港龍喇!  架飛機唔知點解過左 8:15 之後好耐都唔起飛, 都係慢慢咁褪前褪後, 搞左一輪先飛。佢飛果下我真係唔敢望窗! 終於都飛左喇, 高空氣壓好勁, 我對耳好辛苦! 左耳仲有d 痛…… 食個早餐定驚先。 
終於睇到雲啦!!! 好靚呢!!! 
我地身處於零下唔知幾多度既高空! 
嘩~~~~~~~終於到台北啦! 
台北桃源國際機場 
機場既公廁 - "盥洗室" 
中途有個地方俾人填入境表, 台灣人真係照顧周到, 連眼鏡都預備埋! 
過左關, 兌埋錢, 一行出去就見到 "welcome to taiwan" 
之後就搭 "飛狗巴士" 去酒店喇。佢係一架好大既旅遊巴, 入面有勁多電視! 電視放既係電視台既綜藝節目, 同香港既 "roadshow"完全唔同! 
d 櫈可以挨後架 
搭左成大半個鐘車, 架車穿過左好多邊郊地區。 
大家都好累響車度訓左, 得番我響度影咋~ XD 架車之後入左市區, 點知原來要轉第二架車架! 第二架車係普通既公車, 又多人又多行李又無位坐, 所以無影架車喇。 台北市區街景 
終於到喇! 呢間就係我地住既酒店喇! 台灣d 酒店唔係叫"酒店", 係叫 "飯店" 架! 
世界真係細, 酒店對面又有 hsbc!!! oh my god!!! = = 
由於 2:00 先有得 check in, 我地將行李寄存響酒店, 就去左永康街食晏! 
yeah~~~~~~ 就係我最想食既 "鼎泰豐"! 我未食過香港果間架! 一去到勁多人要等位, 我地就去左隔離"金石堂書局"睇書喇! 
呢間野有成三四層樓高架, 我地都唔係志在睇書, 係志在響入面坐! XD 響書店 hea 左四五個字, 番番去發現已經過左我地個籌! 好彩都好快有得入去! ^^ "鼎泰豐"既菜單, 樣樣都想食呀!!! 
  我地坐響一樓既窗口位, 竟然見到…… 
"逃難器具"??? "緩降機"!!! 
好特別呀!!! 原來係逃生專用既遊繩呀! (其實初初見到個名以為佢係升降機之類 XD) d 野食終於到喇!!! 
上面果行, 左起: 鮮魚蒸餃, 蟹粉小籠包, 原盅雞麵 下面果行, 左起: 原盅牛肉麵, 炒A菜 仲有另外一籠蟹粉小籠包 同埋 蝦仁炒飯(下圖)。 
小籠包, 炒A菜同埋雞麵既湯底都好好味!!! =) 食完之後, 我地去左永康街另一邊既"冰館"食冰! 
close-up 
  d 冰好就好食喇, 但係天時咁熱真係溶得好快! 食完刨冰, 蛋包皮仲意猶未盡咁去左食蔥抓餅! 
係即叫即炒架, 食落幾香口, 好似雞蛋炒蔥油餅咁! 之後, ben, carol 同蛋包皮仲好有胃口咁去買 donut 食! 但係…… 我個胃已經好飽支持唔住喇! 趁佢地去買 donut 果陣, 繼續影相! XD   台灣好多地方都有人騎機車(電單車)!你睇下右邊有個黑色衫既司機, 佢連人帶車去排隊買野食呢! XD 之後我地行過 "康是美", 見到"我的美麗日記" 做緊 NT$599(HKD $149 咁上下) 一大盒 (35 塊裝)! 於是女士們就一人買左一盒喇! =) (阿ben 都好似買左一盒俾佢阿媽?) 跟住就搭的士番酒店 check in 喇! 終於拎到房啦! 呢間係女仔既所謂"雙人房",  有三個床位架! 
 
呢間房幾好呀!!! 都唔算太迫, 同埋d 野都好齊全! 安頓好之後, 大家都已經累到極點, 所以又係時候訓個晏覺…… 訓醒覺, 驚覺出面落大雨!!!!!! 於是我地就傾之後既行程喇! 
由於太眼訓, 傾傾下又係繼續訓! 
嘩~~~~~~~好多錢呀張床! 最後我地都係決定計番好d 錢先再諗陣間去邊啦! 最後我地七點先出門口, 去左…… 
其實我一直都唔知發生緊乜野事, 係去到先知…… 原來佢地打算買左聽日去九份既火車飛先! 搞完一輪, 就響車站揾d 野醫左肚先…… 車站入面都有唔少鋪頭, 同香港既地鐵站差唔多。 
其實呢間就係之前響永康街果間donut 店既分店! 我既晚餐~ 
好可愛既迷你 donut! =) 之後大家去左對面間 7-11 買野飲。 蛋包皮既"多多" 
carol 既 "純吃茶" (原來好平, NT$10 咋!!!!!) 
ben 既 cherry coke 
呢d 就係搭鐵路用既代幣, 啊, 唔係, 係車票先岩! 
原來d 車票入面係有 RFID!!! 咁樣嘟下佢就入到閘架啦! 
我地搭淡水線去到圓山再轉巴士, 中途遇上一個熱情既姨姨, 佢問我地係咪香港黎, 又話佢個仔宜家都係住響香港…… 
最後終於到喇~ 
呢度就係…… "美麗華百樂園"喇! 個摩天輪響商場五樓, 上到去睇真係好靚!!! 佢仲識得變色架! 
旋轉木馬 
仲有漫天肥皂泡 (鳴謝蛋包皮提供相片) 
d 泡泡好靚呀!!!!!!!!!!!!!! =) 之後由於已經太夜, 附近已經唔知有乜野地方可以食野, 所以我地番酒店先。 搵車搭中途見到呢間"不動產"。乜野鋪頭黎架? 
搭緊車, 非常疲累既二人…… 
我地番左酒店, 但係又唔知食乜好喎, 果陣都十一點幾, 好彩酒店既員工介紹我地去"寧夏夜市"! 個的士司機好好人, 台灣的士一車只可以載四個客, 佢都肯俾我地五個上晒車! 仲同我地好好傾, 原來個的士司機都響香港住過, 佢識聽廣東話架! 
好多野食呀!!! 蚊香香腸, 好長既串燒, 炒海鮮, 壽司…… 
我地食左d 小食, 仲一齊食左鐵板炒小菜! 
左上: 炒三鮮; 右上: 黑椒炒牛肉; 下: 牛油炒椰菜 (免費, 送既^^), 呢三碟小菜都好惹味呀! 最後我地去左呢間"萊爾富" ("Hi-Life")便利店買野飲, 阿 ben 發現左有一pack 四個雞蛋布甸, 只係港幣 $10 左右咋!!! =) 
之後就搭車番去喇! |
